ఆంధ్రభారతి - తాళ్లపాక అన్నమాచార్య కీర్తనలు - ఏమని చెప్పఁగవచ్చు నిదివో నీ సుద్దులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1997-1
సంపుటము: 29-517

తాళ్లపాక అన్నమాచార్య

రాగము: సామంతం

ఏమని చెప్పఁగవచ్చు నిదివో నీ సుద్దులు ఆముకొన్న నీ నటన లారడాయఁ గదవే	॥పల్లవి॥
మొక్కు మొక్కరాఁగాను మునిగొప్పు జారెఁగదె నిక్కి చూచితే సిగ్గులు నిండెఁగదవే కక్కసించి నవ్వఁగాను కడుఁ జెమరించెఁగదె ఇక్కడఁ బతి సంగాతా లింత సేసెఁగదవె	॥ఏమ॥
చెలుములు సేయఁగాను సేసలు పైఁబడెఁగదె సొలయఁబోతే మతి చొక్కెఁగదవె వెలిఁ గానుకియ్యఁగా చన్నులు గానవచ్చెఁగదె యెలమి నీ చేఁతలే నిన్నింత సేసెఁగదవే	॥ఏమ॥
కదిసి కాఁగిలించఁగా కళలు రేఁగెఁగదె అదన మో వియ్యఁగాఁ గంటేయఁగదవె వదలక శ్రీవేంకటేశ్వరుఁడు తానె కూడె యెదుటనే నీ భాగ్యా లింతసేసెఁగదవే	॥ఏమ॥