ఆంధ్రభారతి - తాళ్లపాక అన్నమాచార్య కీర్తనలు - ఎంత నన్ను వలపించె నిదివో నా ప్రాణేశ్వరి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1997-2
సంపుటము: 29-518

తాళ్లపాక అన్నమాచార్య

రాగము: ఆహిరి

ఎంత నన్ను వలపించె నిదివో నా ప్రాణేశ్వరి వింత వింత సుద్దు లివి వింటివా వో చెలియా	॥పల్లవి॥
చూచినట్టె వున్నది సుదతి చక్కని రూపు యేచి నవ్వినట్టున్నది యెదుట నాతో కూచున్నయట్టె వున్నది గొబ్బున నాసంగడిని యీచాయ నా తలపోఁత లేమందునే చెలియా	॥ఎంత॥
పట్టినట్టె వున్నవి పడఁతి చన్నులు చేత అట్టె నాతో మాఁటలాడినట్టున్నది ముట్టినట్టున్నది తన మొనగోర నా చెక్కులు ఇట్టట్టని చెప్పరాదు యేమందునే చెలియా	॥ఎంత॥
కూడినట్టె వున్నది కొమ్మను కాఁగిటిలోన తోడఁ బండినట్టున్నది దొరకి నాకు వేడుకైనట్టున్నది శ్రీవేంకటేశుఁడ నేను యీడ నిన్నీ నిజమాయ నేమందునే చెలియా	॥ఎంత॥