ఆంధ్రభారతి - తాళ్లపాక అన్నమాచార్య కీర్తనలు - వేళ లేదు జాడ లేదు వీని తోడిదే పాటు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 279-5
సంపుటము: 3-457

తాళ్లపాక అన్నమాచార్య

రాగము: బౌళి

వేళ లేదు జాడ లేదు వీని తోడిదే పాటు కూళఁడనై తిరిగేను గుణమేది నాకు	॥పల్లవి॥
వేగిరించి పెరరేఁచి వేసరించీఁ బనులు సాగి ముందరఁ బొలసి చలపట్టీ సిరులు జాగు సేసి వచ్చి వచ్చి చవి చూపీఁ బాయము యేగతి నిన్నుఁ దలఁతు నేది బుద్ధి నాకు	॥వేళ॥
తన్నుఁదానే వచ్చి వచ్చి తగిలీ లంపటము వున్నతి భోగముల నోరూరించీ సుఖము కన్నచోనే యెలయించి కదిమీ సంసారము యెన్నఁడు నిన్నుఁ దలఁతు నెఱుకేది నాకు	॥వేళ॥
తాలిమితో మీఁద మీఁదఁ దరవయ్యీఁ గర్మము నాలితోడ సన్నసేసి నవ్వు నవ్వీ మర్మము యేలితివి శ్రీవేంకటేశ్వరుఁడ నన్ను నీవు సీలాన నీ వాఁడనైతిఁ జెప్పనేది నాకు	॥వేళ॥