ఆంధ్రభారతి - తాళ్లపాక అన్నమాచార్య కీర్తనలు - ఆతనికి నీవే వొక ఆలవైతివా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1998-1
సంపుటము: 29-523

తాళ్లపాక అన్నమాచార్య

రాగము: పాడి

ఆతనికి నీవే వొక ఆలవైతివా యేతలఁ జూచిన సతు లెందరైనాఁ గలరు	॥పల్లవి॥
వింతలుగా రమణుఁడు వేమారు వినీనంటా మంతనము లేమాడేవే మాపుదాఁకాను సంతోసాన నాతఁడు సమ్మతించి వున్నాఁడంటా దొంతి వెట్టి వలపేల తూరుపెత్తేవే	॥ఆత॥
వువ్విళ్లూర నాతఁడు వొద్దికఁ జూచీనంటా నవ్వు లేమి నవ్వేవే నడుమ నీవు నివ్వటిల్ల నప్పటిని నీకు మేలువాఁడంటను తవ్వి తవ్వి తమి యెంత తలకెత్తేవే	॥ఆత॥
శ్రీవేంకటేశుఁడు నీకు చేతిలోనివాఁడంటా భావించి యేమి చూచేవే పలుమారును యీవల నాతఁడే నన్ను యేలినాఁడు తొలుతనె చేవదేరె నింకా నేమి సేసలు చల్లేవే	॥ఆత॥