శృంగార సంకీర్తన
రేకు: 1998-4
సంపుటము: 29-526
రేకు: 1998-4
సంపుటము: 29-526
తాళ్లపాక అన్నమాచార్య
రాగము: సామంతం
| జవ్వనాలు మీ సొమ్ము సరసాలు మీ సొమ్ము వువ్విళ్లూరే వలపులు వొడిఁగట్టుకోరయా | ॥పల్లవి॥ |
| చిలుకుఁ జూపు లాపెవి, చిమ్ముఁ జెనకులు నీవి పలుకుఁ దేనె లాపెవి, బాసలు నీవి యెలమి సరికి బేసి కిద్దరూ బలవంతులే కొలఁదిలేనివలపు కూడపోసుకోరయా | ॥జవ్వ॥ |
| ప్రియము లాపెవి, సేసే పెను వినయాలు నీవి నయము లాపెవి, కడునంటులు నీవి నియతపు నేరుపులు నీకు నాకె కొక్కరీతే జయమాయ వలపులు సందిఁబెట్టుకోరయా | ॥జవ్వ॥ |
| అడియాస లాపెని, ఆదరింపులు నీవి యెడయని పొం దాపెది, యింపులు నీవి అడరి శ్రీవేంకటేశ అట్టె నన్నుఁ గూడితివి కడలేని వలపులు గంపకెత్తుకోరయా | ॥జవ్వ॥ |