ఆంధ్రభారతి - తాళ్లపాక అన్నమాచార్య కీర్తనలు - నీవూ గొన్ని బూటకాలు నెరపే వింతేకాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1998-6
సంపుటము: 29-528

తాళ్లపాక అన్నమాచార్య

రాగము: మాళవిగౌళ

నీవూ గొన్ని బూటకాలు నెరపే వింతేకాక యీవల నెంతైనా నా యీడుకు రాఁగలవా	॥పల్లవి॥
అంది వీడె మిచ్చనంటా నాతఁడు మన్నించునంటా యిందరిలో నీ సుద్దు లేమి చెప్పేవే గందము నా కిచ్చినాఁడు కాఁగిలించుకున్నాఁడు మందలించి ఇఁక నీవు మానుపఁగఁగలవా	॥నీవూ॥
సన్న సేసెనంటా మోవి చవులు చూపెనంటా పన్నుక నీ యెమ్మె లెంత పచారించేవే నన్నుఁ బెండ్లాడినాఁడు నాతో నవ్వుతా నున్నాఁడు వున్నతి నీ నేరువుల నొద్దనఁగఁగలవా	॥నీవూ॥
నిక్కి నిక్కి చూచెనంటా నీపై బత్తిఁగలఁడంటా వెక్కసాన నీ వెంత విఱ్ఱవీఁగేవా యిక్కడ శ్రీవేంకటేశుఁ డిన్నిటా నన్నేలినాఁడు చక్క నెలమేల్మంగను సాదించఁగఁగలవా	॥నీవూ॥