ఆంధ్రభారతి - తాళ్లపాక అన్నమాచార్య కీర్తనలు - ఏఁటికి నెగ్గులు వట్టే వీపెతో నీవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1999-2
సంపుటము: 29-530

తాళ్లపాక అన్నమాచార్య

రాగము: బౌళి

ఏఁటికి నెగ్గులు వట్టే వీపెతో నీవు మాఁటలనే లాలించి మన్నింతువుగాక	॥పల్లవి॥
ఇంతి నీతో మొగమోట మేమీ ననదాయఁగాక రంతుల దిట్టఁ జెల్లదా రచ్చలో నిన్ను చెంత నీ దేవి గనక సిగ్గువడి వుండెఁగాక యెంత నిన్ను సాదించినా యేలనేవా నీవు	॥ఏఁటి॥
ఆలి మగని వరుస నట్టె వూరకుండెఁగాక గేలిసేయ బాడి గాదా కెరలి నిన్ను మేలుది గనక నిన్ను మీరలేక మొక్కెఁగాక వాలాయించి జంకించితే వద్దనేవా నీవు	॥ఏఁటి॥
ఇచ్చక మెరిఁగి రతి నెనసి చొక్కించెఁగాక కొచ్చి సోదించుకోవద్దా కొసరి నిన్ను అచ్చపు శ్రీవేంకటేశ యలుమేలుమంగ యీకె పచ్చిగా నిన్నుఁ జేసితే పంగించేవా నీవు	॥ఏఁటి॥