ఆంధ్రభారతి - తాళ్లపాక అన్నమాచార్య కీర్తనలు - నీకు నవ్వులైతిఁగాని నీపై బత్తి గలదాన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1999-4
సంపుటము: 29-532

తాళ్లపాక అన్నమాచార్య

రాగము: వరాళి

నీకు నవ్వులైతిఁగాని నీపై బత్తి గలదాన యీకడ నీకె సుద్దు లెట్లియ్యకొందునయ్య*	॥పల్లవి॥
పల్లదాన నాపె నిన్ను పచ్చి తిట్టు తిట్టఁగాను వెల్లవిరిగా నే నెట్టు విందునయ్యా వుల్లసానఁ బాదము ని న్నూరకె తాఁకించఁగాను యెల్లవారిలోనా నే నెట్టు చూతునయ్యా	॥నీకు॥
యెదురుగా వచ్చి నీకు నెంగిలి మో వియ్యఁగాను వుదుటున నే నెట్టు వోరుతునయ్యా గుదిగొన్న వేడుకతో కొప్పువట్టి తియ్యఁగాను సదరాన నేనెట్టు సమ్మితింతునయ్యా	॥నీకు॥
పువ్వులచెండున నిన్నుఁబూఁచి యాపెవేయఁగాను వువ్విళ్లూరి నే నె ట్టూరకుందునయ్యా ఇవ్వల శ్రీవేంకటేశ యేలితివి నన్ను నిదె చివ్వన నాపె పొందెట్టు చెల్లింతునయ్యా	॥నీకు॥