ఆంధ్రభారతి - తాళ్లపాక అన్నమాచార్య కీర్తనలు - సాకిరులేల పెట్టేవు సతివల్ల నేరమేది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 2000-1
సంపుటము: 29-535

తాళ్లపాక అన్నమాచార్య

రాగము: దేసాళం

సాకిరులేల పెట్టేవు సతివల్ల నేరమేది కాకుసేయఁ బనిలేదు కరుణించు మికఁను	॥పల్లవి॥
సుదతికిఁ బతితోడ సొలసితే నేమాయ వుదుట మీరఁగఁ దిట్టనొద్దుగాని సదరాన బొమ్మలను జంకించితే నేమాయ యెదుటనుండి యలిగి యేఁపవద్దుగాని	॥సాకి॥
కూరిములు సారె సారెఁ గొసరితే నేమాయ వారించి యానలు వెట్టవద్దుగాని బీరముతో గొంగువట్టి పెనఁగితే నేమాయ దారకాన దెరలోన దాఁగవద్దుగాని	॥సాకి॥
గుట్టుతోడఁ గాఁగిలించి కూడితే నేమాయ వట్టి నేరము లెంచఁగవద్దుగాని యిట్టె శ్రీవేంకటేశ యేలితి వీకెను నీవు చుట్టమైతే నేమాయ సోదించవద్దుగాని	॥సాకి॥