ఆంధ్రభారతి - తాళ్లపాక అన్నమాచార్య కీర్తనలు - ఆపె వల్ల వెలి తించుకంతా లేదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 2000-2
సంపుటము: 29-536

తాళ్లపాక అన్నమాచార్య

రాగము: సామంతం

ఆపె వల్ల వెలి తించుకంతా లేదు యేపునఁ జేసే సేవ విన్నియునుఁ జేసెను	॥పల్లవి॥
సన్నలనే చూపదా సతి తా నుండేటి మేడ కన్నులనే మొక్కదా కడలనుండి విన్నవించదా వావి వేడుకతో నేకతాన కన్నెను నీ వేలుకోని కద మింతేకాక	॥ఆపె॥
తామెరల వేయదా తలఁపించి తలఁపించి మోము చూపి పొలయదా ముందర నిల్చి సాముసేసి పెనఁగదా సరసమాడే నెపాన కామించి చిత్త మెప్పుడు గరఁగీనోకాక	॥ఆపె॥
ఆకున వాసి చూపదా అట్టె తన విరహము వాకుచ్చి చెప్పదా లోలో వలపెల్లాను యీకడ శ్రీవేంకటేశ యీకె గూడితి వింతలో నీ కరుణ కిట్టానే నిలిచెనోకాకా	॥ఆపె॥