ఆంధ్రభారతి - తాళ్లపాక అన్నమాచార్య కీర్తనలు - అయ్యో నావెతకుగా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 247 సంకీర్తన: 258
ప్రత్యేక సంపుటము - సంకీర్తన: 9

తాళ్లపాక అన్నమాచార్య

రాగము: సౌరాష్ట్ర - అట

అయ్యో నావెతకుగా ని - న్నలయింతుగా గయ్యాళింతుగా నిన్ను - కసరుదుగా	॥పల్లవి॥
దూరుదుగా నిన్ను చాలా - తూలనాడుదుగా పేరుగుచ్చి తిట్టుదుగా - పెరిమెబో(నాడుదు)గా కూరిమి కొసరుదుగా - కోపగింతుగా వూరకె అలుగుదుగా - వుప్పళింతుగా	॥అయ్యో॥
నెరసులరయుదుగా - నేరములెంతుగా కరకరింతుగా నిన్ను - గాసి సేతుగా నిరసింతుగా వట్టి - నిందలే గట్టుదుగా గొరబు సేతుగా నిన్ను - గుప్పింతుగా	॥అయ్యో॥
చనవు నెరపుదుగా - సారెకు పెనంగుదుగా మనసరసి చూతుగా - మారుత్తరాలిత్తుగా ఘనత యలమేల్మంగ వేం - కటేశ నిన్నునే నెనసి పాయనియ్యగా - నేమైనా సేతుగా	॥అయ్యో॥