ఆంధ్రభారతి - తాళ్లపాక అన్నమాచార్య కీర్తనలు - అయ్యో నీవెంత సేసినా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 56 సంకీర్తన: 55
ప్రత్యేక సంపుటము - సంకీర్తన: 10

తాళ్లపాక పెదతిరుమలాచార్య

రాగము: శంకరాభరణం

అయ్యో నీవెంత సేసినా - వన్నియు నేనెరుగనా (కొ)య్యతనాలు నాతోనా - గోవిందరాజ!	॥పల్లవి॥
చాల మోము (కళలెల్లా) - సందడికొనగా మోవి మేలి(మై)న కెంజాయలు - మించగాను వాలుగన్ను లర - వంపుచు నెత్తురు గడు గోలవై పవ్వళించేవు - గోవిందరాజ!	॥అయ్యో॥
(పో)పురిగొన్న నూరుపుల - బుసకొట్టుచును మేన వరదలై పెంజెమటలు - వడియగాను విరివిగా వాసనలు - వెదజల్లు(చు)ఁ జెదరిన కురుల బవ్వళించేవు - గోవిందరాజ!	॥అయ్యో॥
పచ్చిసేతలతొ నీవు - బడలుచు బంగారు పచ్చడము నిండా నా - పైఁ గప్పుచు మచ్చు జల్లి యలమేలు - మంగను నను కౌఁగిట గుచ్చుక పవ్వళించేవు - గోవిందరాజ!	॥అయ్యో॥