ఆంధ్రభారతి - తాళ్లపాక అన్నమాచార్య కీర్తనలు - అలికి (అళులు) సంపెంగ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 37 సంకీర్తన: 36
ప్రత్యేక సంపుటము - సంకీర్తన: 18

తాళ్లపాక అన్నమాచార్య

రాగము: ఆహిరి - అట

అలికి (అళులు) సంపెంగ - తావి కణఁగినట్టు తొలఁగీ నుదుట జారి - తుమ్మెదల పిల్లలు	॥పల్లవి॥
వెలఁదియారను పాము - వెంటఁబెట్టుకొని రాఁగా తలఁకి చంద్రుఁడు - వోయి దాఁగినట్టు పలువన్నె మెఱుఁగుల - పయ్యదలోనె దాఁగె చలివేఁడి మెఱుఁగుల - చందమామ పిల్లలు	॥అలికి॥
కోవిలపలుకుదాడి - కోపగించి వెంటరాఁగా తావుల చిగురువోయి - దాఁగినట్టు మోవి సూదివాటులై - మొనసి కానవచ్చీని మావుల చిగురులోని - మాణికాల పిల్లలు	॥అలికి॥
భారమైన విరహతాపపు - సూరియుండు రాఁగా తారితారి చకోరాలు - దాఁగినట్టు కూరిమి వేంకటపతిఁ - గూడిన తమకమున గోరగించీనిదివో చ-కోరముల పిల్లలు	॥అలికి॥