ఆంధ్రభారతి - తాళ్లపాక అన్నమాచార్య కీర్తనలు - అవునయ్యా లెస్స తగ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 176 సంకీర్తన: 182
ప్రత్యేక సంపుటము - సంకీర్తన: 21

తాళ్లపాక పెదతిరుమలాచార్య

రాగము: కేదార - అట

అవునయ్యా లెస్స తగ - వాయ(బో) నేడు (బా) తవిలి తప్పొకరిది - దండన వొకరిదా	॥పల్లవి॥
దిద్ది నీ చెక్కిట గోరు - తీర్చిన వారుండగా అద్దము చూచుకొమ్మంటే - (అదె) అపరాధమా వొద్దిక నీ మోవి కెంపులుంచిన - వారుండగా అద్ది కప్పురము వెట్టుటే - (అదె) అపరాధమా	॥అవునయ్యా॥
నెరయ నీ మేన చెమట - నించినవారుండగా అరసి సురటి విసరితే - (అదె) అపరాధమా శిరిగల నీ కొప్పు - జిమ్మినవారుండగా అరుదుగ ముడుచుటే - (అదె) అపరాధమా	॥అవునయ్యా॥
యెలమి తన్నల - యించినవారుండగా అలసి వచ్చితి నంటె - (అదె) అపరాధమా అలమేలుమంగ వేంక- టప్పడవై గూడితివి అలుగకు మనంటె - (అదె) అపరాధమా	॥అవునయ్యా॥