ఆంధ్రభారతి - తాళ్లపాక అన్నమాచార్య కీర్తనలు - ఇంత నేరకుండిన దేఁటి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 181 సంకీర్తన: 187
ప్రత్యేక సంపుటము - సంకీర్తన: 33

తాళ్లపాక పెదతిరుమలాచార్య

రాగము: తోడి

ఇంత నేరకుండిన నదేఁటి యింతి వింత చెలుల నెరపు విడిపించే దింతి	॥పల్లవి॥
తనిసిన మగవాని తమిరేఁచినదే యింతి కొనగోరిసోఁకు లియ్యకొనఁ జేసినదే యింతి కనుమూయించి నిద్దురకలలోఁ గూడిన దింతి తననేరుపు పిమ్మటఁ దలఁపించే దింతి	॥ఇంత॥
కూడి తెల్లవారుటకు గుండె బెదరించే దింతి ఆడఁ జేయరాని వినయాలు సేయించే దింతి వాడుమోము తనుఁ గంటివడిఁ గళ రేఁచే దింతి జోడువాసినఁ గన్నీరు జొబ్బిలించే దింతి	॥ఇంత॥
వన్నె ప్రాయము తనకే వ్రతము పట్టించే దింతి యెన్నికె నిక్కువనుండి యెదురు చూపించే దింతి యిన్నిటా శ్రీవేంకటేశు నిట్లానే చేసి కూడె నెన్నఁగ నలమేల్మంగ యీకెపో యింతి	॥ఇంత॥

(ఈ సంకీర్తన 17వ సంపుటంలో 42వ సంకీర్తనగా ఉంది.)