ఆంధ్రభారతి - తాళ్లపాక అన్నమాచార్య కీర్తనలు - ఇంత సేసితివి నీవే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 178 సంకీర్తన: 184
ప్రత్యేక సంపుటము - సంకీర్తన: 34

తాళ్లపాక అన్నమాచార్య

రాగము: నాదనామక్రియ

ఇంత సేసితివి నీవే యిందాఁకాను యెఁ(యెం)తైనాఁ గద్దు చలము యేమిసేతురా	॥పల్లవి॥
మంచిమాఁట లాడేనంటే మరి వెంగేలే తోఁచీ చుంచుల నిచ్చకములు సూటిపడవు లంచము మోవిచ్చేనంటే లావులఁ బెనఁగీ మోము యెంచరాదు నాపంతము యేమిసేతురా	॥ఇంత॥
సేవలు సేసేనంటే చేతి కొనగోరు దాఁకీ వోవరిలో మనసులు వుడికించీని భావించి నవ్వేనంటే పగిడివెట్టినట్టయ్యీ యీవిధము నావుదుటు లేమిసేతురా	॥ఇంత॥
మెచ్చి కాఁగిలించుకొంటే మేనిగురుతులు రాఁగీ కొచ్చికొచ్చి సిగ్గులెల్లా గుంపుగూడీని ఇచ్చట శ్రీవేంకటేశ యేలితి వింతలో నన్ను యెచ్చరించీ మర్మములు యేమిసేతురా	॥ఇంత॥

(ఈ సంకీర్తన 23వ సంపుటంలో 115వ సంకీర్తనగా ఉంది.)