ఆంధ్రభారతి - తాళ్లపాక అన్నమాచార్య కీర్తనలు - ఎంత మాయదారివాడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 107 సంకీర్తన: 107
ప్రత్యేక సంపుటము - సంకీర్తన: 49

తాళ్లపాక అన్నమాచార్య

రాగము: అమరసింధు - ఏక

ఎంత మాయదారివాడు - యెట్టులైన సేయగలడు వింతలు నేర్చినవాడు గో - (విందుడు వీడు)	॥పల్లవి॥
మ్రొక్కేననినా వినడు - ముద్దు వెట్టినా నొల్లడు పక్క పండనైనా రాడు - పణతీ! వీడు నిక్కెపు మాటలాడడు - నేరమిదనీ యెంచడు దక్కితినన్న గైకోడు - తరుణీ! వీడు	॥ఎంత॥
పువ్వులు సిగజుట్టడు - పొత్తులనారగింపడు నవ్వు(తా)యింటికి రాడు - నాతిరో! వీడు రవ్వగా మాటలాడడు - రంగుగ జోడుపాడడు దవ్వులనుండీ చూడడు - తరుణీ! వీడు	॥ఎంత॥
గందము మేనబూయడు - గట్టిగ గుబ్బలలమడు సందీయని కౌగిలీయడు - సఖియా! వీడు విందై వేంకటరాయడు - వెలదిని గూడిపాయడు యిందరిలో నెవ్వతె నా - యీడూ జోడూ?	॥ఎంత॥