ఆంధ్రభారతి - తాళ్లపాక అన్నమాచార్య కీర్తనలు - ఎంత రాతి మనసుది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 119 సంకీర్తన: 120
ప్రత్యేక సంపుటము - సంకీర్తన: 52

తాళ్లపాక అన్నమాచార్య

రాగము: సౌరాష్ట్ర

ఎంత రాతి మనసుది - యెంత కట్టడి గలది పంతమిందునగానియేరు - పడదాయనా	॥పల్లవి॥
పక్కున పూవుదాకితేనే - పాలుగారీని చెక్కులు ఉక్కుగోటికొద్ది యెట్టు - నొక్కి చొక్కించితిరా మక్కువ నాసరిగా - మన్నించితేనేమాయ, తన చక్కదనమిందుగాని - యెక్కుడు గాదాయనా	॥ఎంత॥
అంటిన గొబ్బునకందు - నంట నీమోవి వజ్రపు పంటికొద్ది యెట్టునొక్కి - గంటి జేసితివిరా నంటున గోరంటగా చ - నవిచ్చితేనేమాయ, తన దంటతనమెందునగాని - తలకూడాదాయనా	॥ఎంత॥
వొరసితే వసివాడు - (విరిచెండు నీతనువు) బిరుసు చంటి కొద్ది యెటు - బిగియించితివిరా తిరువేంకటాధిప! నీ - తరుణైతె నేమాయ, తన దొరతనమందుగని - తుదిముట్టదాయనా	॥ఎంత॥