ఆంధ్రభారతి - తాళ్లపాక అన్నమాచార్య కీర్తనలు - ఎంత సేసినా సేయనీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 231 సంకీర్తన: 242
ప్రత్యేక సంపుటము - సంకీర్తన: 53

తాళ్లపాక అన్నమాచార్య

రాగము: భైరవి

ఎంత సేసినా సేయనీ - యేమాయను, నా యంతరంగమెల్ల తా - నై యున్నాడే చెలియా	॥పల్లవి॥
చలము సాధించి నాకు - చనవియ్యకుండుగాని కలనైనా కూడకుండఁ - గర్తయటవే పలుకబడీనని కో - పము దెచ్చుకొనీగాని సొలసి దవ్వులనుండి - చూడనైనా నియ్యడా	॥ఎంత॥
కనుగొందునోయని యి - క్కడికి రాకుండుగాని తనమేలు విని సం - తసమంద నీయడా తనుసంగమమునకు - దాకర్త యింతేకాని మనసులో కూడకుండ - మగువ! తానెవ్వడే	॥ఎంత॥
చిత్తములో ప్రేమ వం - చించుగాక నామేన హత్తుకొన్న పులకల - నాగీనా తాను చిత్తజుకేళిని నేడు - శ్రీకృష్ణుడు ననుగూడె కొత్తలు సేసితే తన - గుట్టు నే దెలియనా	॥ఎంత॥