ఆంధ్రభారతి - తాళ్లపాక అన్నమాచార్య కీర్తనలు - ఎటువలె నా ప్రాణేశుని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 219 సంకీర్తన: 230
ప్రత్యేక సంపుటము - సంకీర్తన: 57

తాళ్లపాక అన్నమాచార్య

రాగము: శంకరాభరణం

ఎటువలె నా ప్రాణేశుని - యెప్పుడు నాతో గూరిచి (యి)టువలె నా ప్రాణంబులు - యెత్తుకొనే వొకొ చెలియా	॥పల్లవి॥
పడతుక! (మల్లెలు మొల్లలు) - పచరించిన చిరునవ్వులు అడవిని కాసిన వెన్నెల - యై పోవకయుండా; విడువక వీనులవిందై - వేడుక చూపెడు నా పా టడరెడు చెవికి (ది) కిన్నెర - యై పోవక యుండా	॥ఎటువలె॥
జలజానన! చొక్క (పు పొం - జక్కవలగు) పాలిండ్లివి అలుకని చిలుకని విందులె - యై పోవకయుండా; కొలదికి మీరిన తేనెలు - గులికెడు నా కెమ్మోవు(ల) ఫలమందని మాని ఫలం - బై పోవక యుండా	॥ఎటువలె॥
ఘనకుచ! పనుపడు మినుకులు - దొణికెడు ముద్దుల నా మో మనిశము (చే)కొను (న)ద్దం - బై పోవకయుండా; పనివడి సమరతి వేంకట - పతితోనే నా ముచ్చట లనయము రాచిలుకల చదు - వై పోవకయుండా	॥ఎటువలె॥