ఆంధ్రభారతి - తాళ్లపాక అన్నమాచార్య కీర్తనలు - ఎట్టు గలిగెరా మోహమింతలో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 187 సంకీర్తన: 194
ప్రత్యేక సంపుటము - సంకీర్తన: 59

తాళ్లపాక అన్నమాచార్య

రాగము: లుప్తము

ఎట్టు గలిగెరా మోహ - మింతలో నీకు తట్టుపడి తిరిగేవు - తాళుకోరాదా	॥పల్లవి॥
మురిపాన కొనగోర - ముద్దు చెక్కుల మీన నొరసి జీరలు చీరె - నువిద నిన్ను నెరిగురులు జారగా - నిదుర కన్నుల లేచి మరచి దాని పేర - మమ్ము (బిలుతువుగదర)	॥ఎట్టు॥
నిండు చెమటలు జార - నిట్టూర్పు లెడలేక నుండు బడలికెల - నులికి పడుచు అండ కౌగిటిలోన - నంటిన వాసనలు మెండుకొని నీ మేన - మేళవించె గదర	॥ఎట్టు॥
పగడంపు వాతెరను - పలుగంటి సేవలను నిగిడి కెంపుల చాలు - నించి నించి అగపడి కూడితివి - అన్నిటను శ్రీకృష్ణ! తగిలి జిగిబిగి రతుల - తమకింతువదెరా	॥ఎట్టు॥