ఆంధ్రభారతి - తాళ్లపాక అన్నమాచార్య కీర్తనలు - ఎవ్వరికి జెప్పరా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 20 సంకీర్తన: 18
ప్రత్యేక సంపుటము - సంకీర్తన: 66

తాళ్లపాక అన్నమాచార్య

రాగము: లుప్తము

ఎవ్వరికి జెప్పరా - (దిట్టి సౌభాగ్యమ్ము) నివ్వటిలు నీ వేడ్క - నీవె వినవమ్మ	॥పల్లవి॥
సరవినే దుర్గములు - సాదించెనొ యెరుగము గిరికుచ నీవె త - ర్కించవమ్మ సిరినే రాజుతో సంధి - సేసెనో యెరుగము హరిణాంకముఖి! నీవె - యాలోకించవమ్మ	॥ఎవ్వరికి॥
బలిమినే ఘనుని (చెర) - బట్టెనో యెరుగము జలదవేణి! నీవె వి -చారించవమ్మ మెలగి యే చక్ర మాక్ర - మించెనో యెరుగము యిల (సైకత) నితంబ! యూ - హించవమ్మ	॥ఎవ్వరికి॥
చేవనే సింహాసనము - చేకొనీ నెరుగము సోవల హరిమధ్య! - శోధించవమ్మ! ఆ వేంకటపతి యే నిధి తా - నాశించెనో యెరుగము వేవేగ పద్మనేత్రి! నీ - వే యరయవమ్మ	॥ఎవ్వరికి॥