ఆంధ్రభారతి - తాళ్లపాక అన్నమాచార్య కీర్తనలు - ఏటికని నే వగతునో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 179 సంకీర్తన: 185
ప్రత్యేక సంపుటము - సంకీర్తన: 68

తాళ్లపాక అన్నమాచార్య

రాగము: నాదనామక్రియ

ఏటికని నే వగతునో ప్రా - ణేశుడు రానందుకా సూటిమాటల కోర్వ - జాలని - సొగటాలాడేటందుకా	॥పల్లవి॥
పూర్వపుణ్య ఫలము కతననె - భూమి పుట్టినయందుకా అర్వదీ నోములు నోచి నే జవ - రాల నయ్యేటందుకా వుర్వివారెల్లా నా వయసు జూచి - వుప్పతిల్లేటందుకా నీరజాక్షిరొ విభుడు నా యెడ - నేరమెంచేటందుకా	॥ఏటికని॥
ఆలియని వొకనాడు నన్ను - నాదరించని యందుకా పాలవంటి మనసు నేటి - పాలు చేసేటందుకా కాలయముడే (చేరి) నన్ను - గాసి చేసేటందుకా కాలమెల్లా నలుక చేతనె - గడచిపోయేటందుకా	॥ఏటికని॥
చీమ చిటుకనగానె - జగడము సేసి పొయ్యేటందుకా సీమలో గలవారు నన్ను - చెలగి నవ్వేటందుకా (యేమి దూరుదు) వేంకటేశుని - యెడను బాసినందుకా ప్రేమతో నలమేలుమంగను - పేర బిలచినందుకా	॥ఏటికని॥