ఆంధ్రభారతి - తాళ్లపాక అన్నమాచార్య కీర్తనలు - ఏటిమాటలాడేవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 159 సంకీర్తన: 162
ప్రత్యేక సంపుటము - సంకీర్తన: 70

తాళ్లపాక అన్నమాచార్య

రాగము: తోడి

ఏటిమాటలాడేవు - యిందాకానీవు వాటముగనిట్టే - వళుకులాడకురా	॥పల్లవి॥
పయ్యెదలో వాలినవె - పట్టియియ్యవె జక్కవల కొయ్యకాడ కావురా సం - కోచములింతే ముయ్యనేటికే అట్లైతే - మొనసి చూపగదే యియ్యెడ నా పైడిబిందె - లెట్టుజూపవచ్చురా	॥ఏటి॥
వొడిలోన దాగెనదే- వొప్పగించవే సింహము గడుసుకాడ కావురా నా - నడుమింతే విడిచి శోధనియ్యవే - విచ్చనవిడియట్లైతే సుడిసి ఆకాశమెట్లు - శోధనియ్యవచ్చురా	॥ఏటి॥
కుచ్చెల మరుగుజొచ్చె - కొమ్మ! నెముళ్ల నివే అచ్చపు నడపులే గాని - (యవి నెమళ్లు కావురా) గుచ్చి శ్రీవేంకటనాథ - గుర్తెరిగి యట్లయితే యిచ్చ గూడితిమిక - యీ గురుతులేలరా	॥ఏటి॥