ఆంధ్రభారతి - తాళ్లపాక అన్నమాచార్య కీర్తనలు - ఏమిటను గొద లేదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 94 సంకీర్తన: 93
ప్రత్యేక సంపుటము - సంకీర్తన: 73

తాళ్లపాక అన్నమాచార్య

రాగము: నాదనామక్రియ

ఏమిటను గొద లేదు - యిగురుబోణిని జూడ నేమమున తలపోయ - నీకె తగునయ్య	॥పల్లవి॥
రమణి నీలపు (నెఱులు) - రంగు తుమ్మెద (బరులు) నెమలి పించపు సిరులు - నెలత ముంగురులు కమలాక్షి కనుగోము - కళల కెల్లను గీము అమరంగ విధుసమము - అతివ నెమ్మోము	॥ఏమని॥
నిక్కపు నీడల జూపు - నీలోత్పలము యేపు మక్కువ మదనుని తూపు - మదిరాక్షి చూపు చక్కని బంగరు గుండ్లు - సంపెంగి పూచెండ్లు చొక్కంపు నిమ్మపండ్లు - సుదతి పాలిండ్లు	॥ఏమని॥
రోమ (రేఖల తీరు - రోయు చీమల బారు భామ యూరుల సౌరు - పైడి రంభల మీరు ఆమె యమ్మలకమ్మ - యలమేలు మంగమ్మ ప్రేమ ముద్దులగుమ్మ శ్రీ - వేంకటేశుని కొమ్మ)	॥ఏమని॥