ఆంధ్రభారతి - తాళ్లపాక అన్నమాచార్య కీర్తనలు - ఏలర? నాతో యింత చల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 144 సంకీర్తన: 146
ప్రత్యేక సంపుటము - సంకీర్తన: 82

తాళ్లపాక అన్నమాచార్య

రాగము: బిళాపచారి

ఏలర? నాతో యింత చల - మేలరా రంగా బాల చాల నాపై మేలుదానను - జాలి బెట్టుక ప్రేమ నన్ను	॥పల్లవి॥
పిలిచినా పలుకవు - యెలమితో కన్నెత్తి తిలకింప వొకసారి - యలవి మీరి అలరార నాతో మా - టైన నాడవు చెలువుడా నేనేమి - చేసితిరా నీకు	॥ఏలర॥
యెంత వేడినగాని - యింటికి రావు సంతసాన నొకపుడు - సరసమాడవు వింతవస్తువులేమి - వేడ్క నాకొసగవు కాంతుడా నేనేమి - కానిపని చేసితిరా	॥ఏలర॥
వోవరికి వేగరావు - ఊరకె జాగు చేసేవు కానరాని కళలంటి - కరగింపవు భావజుకేళి గూడియు - బాగుగా నలయింపవు శ్రీవేంకటప్రభుడ - వేమి చేసితిరా	॥ఏలర॥