ఏ వూరికేవూరు యెక్కడికి నెక్కడ నీవు మాకు నిఁకనేల నిజమైనాఁ జెప్పరా	॥పల్లవి॥
అద్దమరాతిరిదాఁకా నందునిందు నుండివచ్చి వద్దువోరా నీకునింత వలసినొల్లములు నిద్దుర గంటికి లేక నీకునుండ వారమా[1] వొద్దిక చాలని వారముండినా నుండితిమి	॥ఏ॥
వేకమైన పరితాప వేదనఁ బొరలలేక కాఁక పుట్టి తిరిగేవు కన్నుగానలేక[2] యేఁకట దీర నీకు నెందరు గలరని[3] వోఁకల పులుసు కలువులఁ బుచ్చవలెనా[4]	॥ఏ॥
అందఁగాఁడ తిరువేంకటాద్రీశ పెక్కిండ్ల- విందవై[5] నీవొ(కొ?)కతెపై వెచ్చఁదన మున్నదా మందెమేళమున నీతో మాటలాడితిమి గాక[6] కందువ మన్నన చాలు కలకాల మెల్లను	॥ఏ॥

---

(ఈ సంకీర్తన 5వ సంపుటంలో 1వ సంకీర్తనగా ఉంది.)

^[1] నిడురేకు 43 నీకు నుండనేలనీ
^[2] గాననేరక
^[3] గలరు ఈ
^[4] బుచ్చనేలరా
^[5] నిడురేకు 43 విందవు నీ
^[6] తిమినీ