ఆంధ్రభారతి - తాళ్లపాక అన్నమాచార్య కీర్తనలు - కటకటా అయ్యో కాంత నింత - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 59 సంకీర్తన: 58
ప్రత్యేక సంపుటము - సంకీర్తన: 93

తాళ్లపాక అన్నమాచార్య

రాగము: లుప్తము

కటకటా అయ్యో కాంత నింత యేపుదురా అటమటముగాదు నీ యాన సుమ్మీ నిజమయ్య	॥పల్లవి॥
కొసరినా నిన్నే కాని కోపించినా నిన్నే కాని కసరినా నిన్నే కాని కాదన్నా నిన్నే కాని విసరినా నిన్నే కాని వేసరినా నిన్నే కాని ఇసుమంతైనా అన్యమెఱుఁగదయ్యా	॥కటకటా॥
అలసినా నిన్నే కాని ఆఁకొన్నా నిన్నే కాని పిలిచినా నిన్నే కాని పేరుకొన్నా నిన్నే కాని సొలసినా నిన్నే కాని సోఁకనాడినా నిన్నే కాని కలనైనా తలఁపెందూ కలుగదు గదవయ్యా	॥కటకటా॥
కొనియాడినా నిన్నే కాని గుంపించినా నిన్నే కాని పని(న?)వినా నిన్నే కాని పాడినా నిన్నే కాని మనసిచ్చి యలమేలుమంగపతి వేంకటేశ యెనసితివి మా చెలి నింక నేచ నేమిటికయ్యా	॥కటకటా॥