ఆంధ్రభారతి - తాళ్లపాక అన్నమాచార్య కీర్తనలు - కరము జీడిపులుసు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 16 సంకీర్తన: 13
ప్రత్యేక సంపుటము - సంకీర్తన: 97

తాళ్లపాక అన్నమాచార్య

రాగము: లుప్తము

కరము జీడిపులుసు - గలిగిన మామిడి - కరము సోకినయంతనే సరవిఁ జక్కెరవలెఁ - జవి గలిగించువాని - చనవరి సుతుఁ డితఁడే	॥పల్లవి॥
వేఁకరి మండెముకోట - వెళ్లుతా విచ్చన-విడి రాఁగా వొక వీఁకతో వేసిన కత్తి - వే తునుకలాయ - వెన్ను సోఁకినయంతనే ఆ కాలమునాఁడు రాతి నాతిఁ - జేసె ఆతఁడేపో యీతఁడు వాకుచ్చి పొగడరో ఘనపుణ్యము (గల) తాళ - పాక తిరుమలయ్యను	॥కరము॥
గుములు గూడి యలుఁ - గులు తిరుగఁబాఱి చుట్టు - కొన్న కురువదోవ నతఁడు కమలనయనునిఁ దలఁ - చినమాత్రాన - కకపికలై పాఱెను అమరఁ బాం - చాలికి వలువలొసఁగి - నతఁడెవో యీతఁడు ప్రమదముతోడుత - పేరుకొనరే తాళ - పాక తిరుమలయ్యను	॥కరము॥
దేవుఁ డొకకన్ను - దయచేసి తనవద్దికి నంపిన నతఁడు పావను డితఁడు తా - నొక్క కన్నిచ్చె పరుషలు చూడఁగా శ్రీవెంకటప్పని - సేవ చేయఁగోరి - చేకొన్నతను వితఁడు భావించి పొగడరో - భాగ్యము గల తా - ళపాక తిరుమలయ్యను	॥కరము॥