ఆంధ్రభారతి - తాళ్లపాక అన్నమాచార్య కీర్తనలు - చందమామ రావో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 240 సంకీర్తన: 250
ప్రత్యేక సంపుటము - సంకీర్తన: 113

తాళ్లపాక అన్నమాచార్య

రాగము: సౌరాష్ట్ర - అట

చందమామ రావో - జాబిల్లి రావో మంచి కుందనంపు పైడి వెన్న - కోర పాలు తేవో	॥పల్లవి॥
నగుమోము చక్కనియయ్యకు - నలువ బుట్టించిన తండ్రికి నిగమములందుండే యప్పకు, మా - నీలవర్ణునికి జగమెల్ల యేలిన స్వామికి - చక్కని యిందిర మగనికి ముగురికి మొదలైన ఘనునికి, మా - ముద్దుల మురారి బాలునికి	॥చందమామ॥
తెలిదమ్మి కన్నుల మేటికి, మంచి - తియ్యని మాటలగుమ్మకు కలికి చేతల కోడెకు, మా - కతలకారి యీ బిడ్డకు కులముద్ధరించిన పట్టికు మంచి - గుణములు కలిగిన కోడెకు నిలువెల్ల నిండు వొయ్యారికి, నవ - నిధుల చూపుల సుగుణునకు	॥చందమామ॥
సురలగాచిన దేవరకు - చుంచు గరుడని నెక్కిన గబ్బికి నెరవాది బుద్ధుల పెద్దకు, మా - నీటు చేతల పట్టికి విరులవింటి వాని యయ్యకు, వే - వేల రూపుల స్వామికి సిరిమించు నెరవాది జాణకు, మా - శ్రీవేంకటనాథునకు	॥చందమామ॥