ఆంధ్రభారతి - తాళ్లపాక అన్నమాచార్య కీర్తనలు - చెలులారా! చేరిచూడరే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 35 సంకీర్తన: 34
ప్రత్యేక సంపుటము - సంకీర్తన: 121

తాళ్లపాక అన్నమాచార్య

రాగము: కాంబోది

చెలులారా! చేరిచూడరే - శ్రీవేంకటేశుని గలియూ నలమేలుమం - గను	॥పల్లవి॥
చందురునందు చీకట్లుండె నే, - వోయమ్మలాల! సంపంగి పై తుమ్మెద లా డేనే ముందు మొల్ల - మొగ్గ లొదవేనే, - వో యమ్మలాల! మోవి పగడ కాంతులొలికేనే	॥చెలులారా॥
బంతులపై చుక్కలమరీనే - వో యమ్మలాల పలుకు వీణె శంఖ మొత్తేనే అంతరమున పాము నిలిచెనే - వో యమ్మలాల అచటనొక్క కొలను బుట్టెనే	॥చెలులారా॥
యేనుగ కుంభములు కలిగెనే, - వో యమ్మలాల! యెసఁగ పసిడి దిన్నె (లాయెనే) పూని దామరలు పూచెనే - వో యమ్మలాల! పొలుపుమీర కాళెలయ్యీనె	॥చెలులారా॥