ఆంధ్రభారతి - తాళ్లపాక అన్నమాచార్య కీర్తనలు - తలమేల కులమేల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 215 సంకీర్తన: 226
ప్రత్యేక సంపుటము - సంకీర్తన: 132

తాళ్లపాక పెదతిరుమలాచార్య

రాగము: పాడి

తలమేల కులమేల తపమే కారణము యెలమి హరిదాసులు యే జాతి యైన నేమి	॥పల్లవి॥
కాకమువల్లఁ బుట్టదా ఘనమైన యశ్వత్ధము దాకొని గుల్లలోఁ బుట్టదా ముత్తెము చౌకైన విషలతనే జన్మించదా నిర్విషము యేకడ మహానుభావు లెందు పుట్టి రేమి	॥తలమేల॥
బిడిపిరాళ్ళఁ బుట్టవా చెలువైన వజ్రములు పుడమి నీఁగలవల్లఁ బుట్టదా తేనె వెడఁగుఁ బిల్లిమేనను వెళ్ళదాయెనా జవ్వాది వుడివోని పుణ్యు లెందు నుదయించి రేమి	॥తలమేల॥
పంకములోఁ బుట్టదా పరిమళపుఁ దామెర పొంకపుఁ గీటకములందు పుట్టదా పట్టు కొంకక శ్రీవేంకటేశుఁ గొలిచినదాసులు సంకలేని జ్ఞాను లెందు జనియించి రేమి	॥తలమేల॥

(ఈ సంకీర్తన 15వ సంపుటంలో 285వ సంకీర్తనగా ఉంది.)