ఆంధ్రభారతి - తాళ్లపాక అన్నమాచార్య కీర్తనలు - తేనెను (తేగా) బోవలె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 151 సంకీర్తన: 153
ప్రత్యేక సంపుటము - సంకీర్తన: 141

తాళ్లపాక అన్నమాచార్య

రాగము: లుప్తము

తేనెను (తేగా) బోవలె - తెరువియ్యరా ఆనలు బెట్టకురా! మా - యమ్మ వినీనీ	॥పల్లవి॥
చెట్టబట్టకురా - చెప్పిన ట్టుండరా చెట్టు కొక రున్నారు - చెంచెతలు పట్టపగలురా! - భయము లే దటరా? వట్టి (నేటికి) రా! మా - వదిన వినీనీ	॥తెలిసి॥
మెల్లనె మాటా(డ)రా - మెడ చెయ్యి దియ్యరా (కుల్లు) చెంచెతలురా - కొల్లలు కొల్లలు చల్లుబో(?)రాడకురా - సతులు కనేరా అల్ల వాడుగో రా మా - యన్న వినీనీ	॥తెలిసి॥
కురులు దువ్వకురా - గుబ్బ లంటకురా, యే మఱగు నైనా వచ్చి - మన్నించే గానీ తిరువేంకటాద్రి - దేవుడవై కూడితివి మరలి చెంచెతనై నీ - మగువ నైతి గానీ	॥తెలిసి॥