ఆంధ్రభారతి - తాళ్లపాక అన్నమాచార్య కీర్తనలు - నన్నే పిలవవయ్య - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 249 సంకీర్తన: 261
ప్రత్యేక సంపుటము - సంకీర్తన: 150

తాళ్లపాక చినతిరుమలాచార్య

రాగము: సౌరాష్ట్ర

నన్నే పిలవవయ్య - నాతో నీకెగ్గు లేదు వున్నవేళ నీవు లెస్స - వున్నదే చాలదా	॥పల్లవి॥
అయ్యయ్యో యేపొద్దున ర - మ్మన్న నే రానా దయ్యమా నా మోము చూడ - దగదా నీకు ముయ్యక యెవ్వరి మో-ములు జూచితివో, మోవి వయ్యలాయ చెక్కుజీరు - వారె వాతను	॥నన్నే॥
అక్కట నీ కతలె - న్నైన నూకొనన దక్కిన నాతోనె మాటాడ - తగదా నీకు తక్కక యెవ్వతె వాకు - దాకెనో నీ మాటలు పెక్కువాయ మేనలసె - పెను పండుగ లాయను	॥నన్నే॥
ఔనౌ నీ కౌగిట నేను - ఆడుమన్నట్టెల్లానాడనా? కానుకలు నారతులు - గావా నీకు తోననెవ్వతెనంటు - దొరలెనో, నీవు కానరాక దాగె శ్రీవేం - కటనాథ రచ్చలోన	॥నన్నే॥