ఆంధ్రభారతి - తాళ్లపాక అన్నమాచార్య కీర్తనలు - నాకింత గుట్టు మీది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 63 సంకీర్తన: 62
ప్రత్యేక సంపుటము - సంకీర్తన: 153

తాళ్లపాక అన్నమాచార్య

రాగము: ఘంటారవము

నాకింత గుట్టు మీఁది - నడక చాలు కాకరి బాగుల నీకే కాక - మాకేలరా?	॥పల్లవి॥
చనవుమాలిన యీవి - చప్పరించిన మోవి యినుమడై నాకిచ్చిన - నేమిటికిరా అనుమానపు వలపు - అటమటపు సొలపు యెనయని నీ బుజ్జగింపు - యేటికిరా	॥నాకింత॥
కాంతాళపు పొందూ - కడివోయిన విందూ యెంత నీవు జేసినా - యేటికిరా వింత వింత మాటలూ - వేసదారి తేటలూ? యెంతేసి నీవాడినా - యేటికి రా?	॥నాకింత॥
పలుమారు నీ యెగ్గులూ - పనిమాలిన సిగ్గులూ యెలమి జేసిన మీదట - యేటికిరా? అలమేలుమంగ శ్రీవేంక - టాధీశ గూడితి, న న్నలయించీ బిలచీ బా - యగనేటికిరా	॥నాకింత॥