నిండిన[1] వేడుకలెల్ల నీకె గాక అండనె తాపము చల్ల[2] నమరెగా నాకు	॥పల్లవి॥
మగువకన్నుల మొక్కు మట్టెల పాదపుఁ దొక్కు నిగుడు వాతెరనొక్కు నీకె కాక అగడునెరుల చిక్కు అరచేతిపై చెక్కు వగల గుక్కును[3] మిక్కు వన్నెగా నాకు	॥నిండిన॥
తొయ్యలిఁ గూడినరట్టు తుదచెమటలమెట్టు నెయ్యపుమాటల గుట్టు నీకె కాక పయ్యద జారినకట్టు భారంపు నొసలిపట్టు కయ్యపుటలుక తిట్టు గలిగెఁగా నాకు[4]	॥నిండిన॥
మొగలిపువ్వులతావి ముంచినకన్నులకావి నిగనిగ నగుమోవి నీకె కాక సగము జారిన నీవి చనవుల నీదేవి- నగుట వేంకటేశ నేఁడబ్బెఁగా నాకు[5]	॥నిండిన॥

---

(ఈ సంకీర్తన 5వ సంపుటంలో 272వ సంకీర్తనగా ఉంది.)

^[1] తా.వెం 114 : నిండైన
^[2] సా.రే. చల్లె
^[3] కుక్కురు మిక్కు
^[4] నిడురేకు 11: నీకు
^[5] నీకు; నిడురేకు 81: నాకునూ