ఆంధ్రభారతి - తాళ్లపాక అన్నమాచార్య కీర్తనలు - లాలి లాలీ లాలి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 85 సంకీర్తన: 85
ప్రత్యేక సంపుటము - సంకీర్తన: 232

తాళ్లపాక చినతిరుమలాచార్య

రాగము: ఘంటారవము

లాలి లాలీ లాలి - లాలమ్మ లాలి లాలి యిందిర గూడి - లాలమ్మ లాలి	॥పల్లవి॥
పాలమున్నీటిపై - ఫణిరాజు తొట్టెలలో బాలవేదపు పఱపు - బాగాయ లాలి మేలి బంగరురేక - మించు మేల్కట్లలో కాలమేఘుని బాగు - (కననాయ) లాలి	॥లాలి॥
చెలువంపు నవనిధుల - చెంగల్వ పొత్తిళ్ల నెలకొన్న రవిచంద్ర - నేత్రుడా! లాలి వెలలేని యమృతంపు - వెన్నలారగించిన నలువ పొక్కిటి తమ్మి - నా యన్న లాలి	॥లాలి॥
మునికాంతలదె నిన్ను - ముదముతో బాడేరు మనసిజ జనకుడవు - మా యయ్య లాలి అనిశంబు నెదనెక్కు - నలమేల్మంగ నేలు ఘనుడ వౌ శ్రీవేం - కటనాథ లాలి	॥లాలి॥