ఆంధ్రభారతి - తాళ్లపాక అన్నమాచార్య కీర్తనలు - వద్దుర చవిగా చొక్కుదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 229 సంకీర్తన: 240
ప్రత్యేక సంపుటము - సంకీర్తన: 234

తాళ్లపాక అన్నమాచార్య

రాగము: సాళంగనాట

వద్దుర చవిగా చొక్కుదు - వైనను (నను) వేడెదువు (యిద్దరమొకటై పెనగక) - యిక నెక్కడి వలపు	॥పల్లవి॥
మేనులు రెండని యెరుగక - మెలగుచునుండితి(మ)పుడు నేనును నీవనియనగా - నేర్చితి (వి)దియేరా కానీ తొలుతటి వారము - కామనుచుండితివిపుడెం తైనానిక నను తడవకు - మాచెలిమే చాలునోరి	॥వద్దుర॥
పొద్దు గ్రుంకు లెరుగక - పొందుల నుండితిమప్పుడు అద్దమరేతిరి బోయే - నంటివి యిది యేరా అద్దిర కాలము మహిమో - అతనుడు పెట్టిన చిక్కో కద్దోలేదో యనుటకు - మా కలయికలే చాలు నోరి	॥వద్దుర॥
పెరతేనియ చవికని వా - తెరలే నానితి మప్పుడు అరుదుగ చక్కెర మోవి - మ్మంటివి యిది యేరా సిరి నన్నలమేల్మంగను - శ్రీవేంకటపతి కలసిన యిరవుగ పొందుల కంటెను - నికనెక్కడి వలపు	॥వద్దుర॥