విభుని వినయములు వినవమ్మ నిను నభయంబడిగీ నయ్యో తాను	॥పల్లవి॥
రహస్యమున శ్రీరమణుఁడు పంపిన విహరణలేకలు[2] వినవమ్మా అహిపతిశయనంబతితాపంబై బహువేదనకు అగపడె నట తాను	॥విభుని॥
ఆదిమపతి నీ యడుగుల కెరగిన వేదాంతరచన వినవమ్మా నీదయగానక నిమిషమె యుగమై ఖేదంబున నలఁగీనట తాను	॥విభుని॥
కింకరుఁడట నీ కినుకసేఁతలకు[3] వేంకటపతిగతి వినవమ్మా సంకెలేక[4] నీ చనవున జగములు కొంకకిపుడె చేకొనెనట తాను	॥విభుని॥

---

(ఈ సంకీర్తన 5వ సంపుటంలో 308వ సంకీర్తనగా ఉంది.)

^[1] నిడురేకు 89: పురుషవిరహం
^[2] లేఖలు
^[3] కినుక చూపులకు
^[4] సంకెదేరె