ఆంధ్రభారతి - తాళ్లపాక అన్నమాచార్య కీర్తనలు - శంఖమా! పోయివత్తునా? - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 196 సంకీర్తన: 203
ప్రత్యేక సంపుటము - సంకీర్తన: 254

తాళ్లపాక అన్నమాచార్య

రాగము: వసంత భైరవి

శంఖమా! పోయివత్తునా? - చక్రమా ! పోయివత్తునా? లంకెలైన (పై) రెండు (చేతులా)- (లావు మెరిసిన) మీరూ రండు	॥పల్లవి॥
నీడ తిరుగని చింతా! - నే బోయివత్తునా తోడు నీడ(వై) నీవూ నా - తోడనే రావమ్మా వోడక పసిడి కంభమా! (నే) - వూరికి పోయివత్తునా యేడ నున్నను వరా - లిత్తువు నీవూ రమ్మీ	॥శంఖమా!॥
చక్కదనపుటంజన - శైలమా! పోయివత్తునా? నిక్కువమై నాకు నవ - నిధు లిత్తువు రావమ్మా యెక్కువ నమృతంపు కో - నేరా! పోయివత్తునా? అక్కజపు మా జీవన - మైపోదువు నీవూ రమ్మీ	॥శంఖమా!॥
ననిచిన శ్రీ వేంకట - నాథుడా! పోయివత్తునా నెనరు (గల) వాడవై వెంట - నీవూ రా రమ్మీ నను గన్న యలమేల్మంగ - నాంచారీ పోయివత్తునా? వెనక ముందర (నిలిచి) - విజయ మిత్తువు రమ్మీ	॥శంఖమా!॥