ఆంధ్రభారతి - తాళ్లపాక అన్నమాచార్య కీర్తనలు - సిగ్గుతోడ గొంకితేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 244 సంకీర్తన: 255
ప్రత్యేక సంపుటము - సంకీర్తన: 274

తాళ్లపాక అన్నమాచార్య

రాగము: సౌరాష్ట్ర

సిగ్గుతోడ గొంకితేను చిక్కునా మగవాఁడు బిగ్గెఁ గాఁగిలించుకొని పెనఁగినఁగాక	॥పల్లవి॥
పెదవిపై మాటలఁ బ్రియములు వుట్టునా వుదుటుగుబ్బలఁ బతి నూఁదినఁగాక సదరపుఁజెనకుల చవులు వుట్టీనా సదమదముగ రతి సలిపినఁ గాక	॥సిగ్గు॥
సెలవుల నవ్వితేనే చిత్తము గరఁగునా సొలయుచు మోవిచవి చూపినఁగాక ములువాఁడిచూపుల మోహములు వుట్టునా లలిఁ దమ్ములముపొత్తు గలసినఁగాక	॥సిగ్గు॥
సరసములాడితేనే సంగాతా లెనయునా సరుసఁ దనువు లొక్కజ(జం?) టైనఁ గాక యిరవై శ్రీవేంకటేశుఁడింతలోనె నిన్నుఁ గూడె పరపుపైనే చాలునా వురమెక్కినఁగాక	॥సిగ్గు॥

(ఈ సంకీర్తన 18వ సంపుటంలో 161వ సంకీర్తనగా ఉంది.)