ఆంధ్రభారతి - తాళ్లపాక అన్నమాచార్య కీర్తనలు - అదివో నీప్రతాపము హనుమంతా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 287-1
సంపుటము: 3-500

తాళ్లపాక అన్నమాచార్య

రాగము: సాళంగనాట

అదివో నీప్రతాపము హనుమంతా యెదురులేదు నీకు నెక్కడా హనుమంతా	॥పల్లవి॥
యెత్తిననీ కుడిహస్త మిల నసురలు చూచి హత్తిరి పాతాళము హనుమంతా చిత్తగించి నీ యెడమ చేతి పిడికిటికి తత్తరించి చిక్కిరదె దైత్యులు హనుమంతా	॥అది॥
నలియఁ దొక్కిన నీ వున్నతపుఁ బాదముకింద- నలమటించే రరులు హనుమంతా చలపట్టి నీవు జంగ చాఁచిన పాదహతిని బలుదానవులు భంగపడిరి హనుమంతా	॥అది॥
వడి నీవు మీఁదికి వాలమల్లార్చిన అడఁగిరి రాక్షసులు హనుమంతా బడినే శ్రీవేంకటేశుపంపున నీవు గెల్వఁగ బెడిదమై పొగడేరు పెద్ద హనుమంతా	॥అది॥