ఆంధ్రభారతి - తాళ్లపాక అన్నమాచార్య కీర్తనలు - ఎనుపోతుతో నెద్దు నేరుగట్టిన యట్లు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 26-1
సంపుటము: 1-156

తాళ్లపాక అన్నమాచార్య

రాగము: లలిత

ఎనుపోతుతో నెద్దు నేరుగట్టిన యట్లు యెనసి ముందర సాగ దేఁటిబ్రదుకు	॥ఎనుపోతు॥
కడలేని యాసచే కరఁగి కరఁగి చిత్త- మెడమవంకకు వచ్చె నేఁటి బ్రదుకు పొడవైన మమతతోఁ బొదలఁ బొదల మాన- మిడుమపాట్లఁ బడె నేఁటి బ్రదుకు	॥ఎనుపోతు॥
తెగుదెంపులేని భ్రాంతికిఁ జిక్కి యాచార- మెగసి గొందులు దూరె నేఁటి బ్రదుకు పగగొన్న మోహతాపము వేరుగ విజ్ఞాన- మిగురువెట్టక మానె నేఁటి బ్రదుకు	॥ఎనుపోతు॥
భావింప రోఁతలోఁ బడి పొరలెడి సౌఖ్య- మేవగింపఁడు జీవుఁ డేఁటి బ్రదుకు శ్రీవేంకటేశుపై చిత్త మొక్కటె కాని యేవంక సుఖము లే దేఁటి బ్రదుకు	॥ఎనుపోతు॥