ఆంధ్రభారతి - తాళ్లపాక అన్నమాచార్య కీర్తనలు - కొండో నుయ్యో కుమతులాల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 26-5
సంపుటము: 1-160

తాళ్లపాక అన్నమాచార్య

రాగము: దేసాక్షి

కొండో నుయ్యో కుమతులాల తండుముండు తట్టుముట్టు తాఁకైనఁ గనుఁడీ	॥కొండో॥
కాకివోటు జముచేత కందుకుందు మరుచేత మా కాపని గాదు మనుజులాల పోకుమని యాఁపరాదు పొమ్మని చెప్పఁగరాదు మీకు మీకే చూచుకొండు మీరే కనుఁడు	॥కొండో॥
గాములిల్లు పుట్టమీఁది కప్పు తోలు పైకప్పు నేమా యెఱఁగము నిపుణులాల పాము నోరికడి మీప్రాణపు టూరుపుగాలి జాము జాము మేలుఁ గీడు చక్కఁజేయఁ గనుఁడు	॥కొండో॥
రచ్చమాని చింతకిందు రాఁపుల కూటమిపొందు ముచ్చో చిచ్చో మూఢులాల యెచ్చరికతోడ వేంకటేశుదాసులఁ గూడి పచ్చిగచ్చు మేనితోడ భయమెల్ల బాయుఁడు	॥కొండో॥