ఆంధ్రభారతి - తాళ్లపాక అన్నమాచార్య కీర్తనలు - అన్నలంటాఁ దమ్ములంటా ఆండ్లంటా బిడ్డలంటా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 36-5
సంపుటము: 1-224

తాళ్లపాక అన్నమాచార్య

రాగము: వరాళి

అన్నలంటాఁ దమ్ములంటా ఆండ్లంటా బిడ్డలంటా వన్నెల నప్పులు గొన్నవారువో వీరు	॥అన్న॥
తెగనీక అప్పులెల్లాఁ దీసితీసి । వారు తగిలినఁ బెట్టలేక దాఁగి దాఁగి వెగటునఁ బారిపోఁగా వెంట వెంట । పెక్కు వగల నప్పులు గొన్న వారువో వీరు	॥అన్న॥
సేయరాని పనులెల్లఁ జేసిచేసి । తమ- రాయడికి లోలోనే రాసిరాసి కాయములో చొచ్చిచొచ్చి కాఁచికాఁచి । మున్ను వ్రాయని పత్రాల కాఁగేవారువో వీరు	॥అన్న॥
దొరయై యప్పులవారిఁ దోసితోసి । యీ- పరిభవములనెల్లఁ బాసిపాసి సిరుల వేంకటపతిఁ జేరిచేరి । యిట్టి- వరుసనే గెలిచినవారువో వీరు	॥అన్న॥