ఆంధ్రభారతి - తాళ్లపాక అన్నమాచార్య కీర్తనలు - ఏది కడ దీని కేది మొదలు । వట్టి- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 36-6
సంపుటము: 1-225

తాళ్లపాక అన్నమాచార్య

రాగము: కన్నడగౌళ

ఏది కడ దీని కేది మొదలు । వట్టి- వేదనలు తన్ను విడుచు టెన్నఁడు	॥ఏది॥
తొడరిన హృదయమే తోడిదొంగయై వడిగొని తన్ను వలఁ బెట్టఁగాను కడఁగి కర్మములఁ గడచు టెన్నడు నిడివిబంధముల నీఁగు టెన్నఁడు	॥ఏది॥
తతిగొన్న తలఁపులే దైవయోగమై మతినుండి తన్ను మరిగించఁగాను ప్రతిలేని యాపదఁ బాయు టెన్నఁడు ధృతిమాలిన యాస దీరు టెన్నఁడు	॥ఏది॥
పొదలిన మమతయే భూతమై తన్నుఁ బొదిగొని బుద్ధి బోధించఁగాను కదిసి వేంకటపతిఁ గనుట యెన్నఁడు తుదలేని భవములఁ దొలఁగు టెన్నఁడు	॥ఏది॥