ఆంధ్రభారతి - తాళ్లపాక అన్నమాచార్య కీర్తనలు - ఏమి సేయువార మిఁకను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 41-2
సంపుటము: 1-250

తాళ్లపాక అన్నమాచార్య

రాగము: వరాళి

ఏమి సేయువార మిఁకను ఆమనిచేల పచ్చలాయ బ్రదుకు	॥ఏమి॥
దీపన మనియెడి తీరని యాస రేపుమాపుఁ బెడరేఁచఁగా తోపు సేయఁగరాక దురితపుతరవుల- కాపదలకు లోనాయ బ్రదుకు	॥ఏమి॥
వేడుకనెడి పెద్దవిడువని తరవు వోడ కెపుడు వొద్దనుండఁగా జోడు విడువరాక చులుకఁదనంబున- కాడికెలకు లోనాయ బ్రదుకు	॥ఏమి॥
మమకారమనియెడి మాయతరవు తిమిర మెక్కించుక తియ్యఁగా విమలమూరితియైన వేంకటగిరిపతి అమరఁ జేరక ^[1]యరవాయ బ్రదుకు	॥ఏమి॥

^[1] ‘యెరవు’నకు వ్యావహారికరూపము కావచ్చు.