ఆంధ్రభారతి - తాళ్లపాక అన్నమాచార్య కీర్తనలు - అనుమానపు బ్రదు కది రోఁతా తన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 4-6
సంపుటము: 1-26

తాళ్లపాక అన్నమాచార్య

రాగము: ముఖారి

అనుమానపు బ్రదు కది రోఁతా తన మన సెనయని కూటమి మరి రోఁతా	॥అనుమాన॥
అపకీర్తులఁ బడి ఆడికే లోనై అపవాదియౌట అది రోఁతా వుపమ ^[1]గెలిచేనని వొరుఁ జెరుచుటలు విపరీతపు గుణవిధ మొక రోఁతా	॥అనుమాన॥
తన గుట్టెల్లా నెరిఁగినవారల ముందట తన యెమ్మెలు చెప్పుకొనుట రోఁతా వనితల ముందట వదరుచు వదరుచు కనుఁగవ గానని గర్వము రోఁతా	॥అనుమాన॥
భువి హరి గతియని బుద్ధిఁ దలంచని యవమానపు మన సది రోఁతా భవసంహరుఁడై పరగు వేంకటపతి- నవిరళముగఁ గొలువని దది రోఁతా	॥అనుమాన॥

^[1] ‘గెలిచె’ అని పూ.ము.పా.