ఆంధ్రభారతి - తాళ్లపాక అన్నమాచార్య కీర్తనలు - నానాదిక్కుల నరులెల్లా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 67-1
సంపుటము: 1-346

తాళ్లపాక అన్నమాచార్య

రాగము: ఆహిరి

నానాదిక్కుల నరులెల్లా వానలలోననె వత్తురు గదలి	॥నానా॥
సతులు సుతులుఁ బరిసరులు బాంధవులు హితులు గొలువఁగా నిందరును శతసహస్రయోజనవాసులు సు- వ్రతములతోడనె వత్తురు గదలి	॥నానా॥
ముడుపులు జాళెలు మొగిఁ దలమూఁటలు కడలేని ధనముఁ గాంతలును కడు మంచిమణులు కరులుఁ దురగములు వడిగొని చెలఁగుచు వత్తురు గదలి	॥నానా॥
మగుటవర్ధనులు మండలేశ్వరులు జగదేకపతులుఁ జతురులును తగు వేంకటపతి దరుశింపఁగ బహు- వగల సంపదల వత్తురు గదలి	॥నానా॥