ఆంధ్రభారతి - తాళ్లపాక అన్నమాచార్య కీర్తనలు - ఎక్కడనున్నా నీతఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 68-3
సంపుటము: 1-354

తాళ్లపాక అన్నమాచార్య

రాగము: ముఖారి

ఎక్కడనున్నా నీతఁడు దిక్కయి మాదెసఁ దిరిగీఁ గాక	॥ఎక్కడ॥
సరసుఁడు చతురుఁడు జగదేకగురుఁడు పరమాత్మ డఖిల బంధువుఁడు హరి లోకోత్తరుఁ డతఁడే నామతి సిరితోఁ బాయక చెలఁగీఁ గాక	॥ఎక్కడ॥
ఉన్నతోన్నతుఁ డుజ్జ్వలుఁ డధికుఁడు పన్నగశయనుఁడు భవహరుఁడు యిన్నిటఁ గలిగిన యిందిరారమణుఁడు మన్ననతో మము మనిపీఁ గాక	॥ఎక్కడ॥
మమతల నలమేల్మంగకు సంతత - రమణుఁడు వేంకటరాయఁడు జమళిసంపదల సరసవిభవముల తమకంబున మముఁ దనిపీఁ గాక	॥ఎక్కడ॥